{"id":20387,"date":"2026-04-28T11:30:48","date_gmt":"2026-04-28T09:30:48","guid":{"rendered":"https:\/\/vigotecnoloxico.uvigo.es\/?p=20387"},"modified":"2026-04-28T11:30:48","modified_gmt":"2026-04-28T09:30:48","slug":"a-ciberseguridade-sobresae-nas-iv-olimpiadas-de-teleco","status":"publish","type":"post","link":"https:\/\/vigotecnoloxico.uvigo.es\/gl\/a-ciberseguridade-sobresae-nas-iv-olimpiadas-de-teleco\/","title":{"rendered":"A ciberseguridade sobresae nas IV Olimp\u00edadas de Teleco"},"content":{"rendered":"

Imaxe: unha das presentaci\u00f3ns das IV Olimp\u00edadas de Teleco na EET (Duvi)<\/em><\/p>\n

A ciberseguridade sobresae nas IV Olimp\u00edadas de Teleco<\/h2>\n
A fase galega da s\u00faa IV edici\u00f3n celebrouse, de novo, na EET<\/h6>\n

O pasado venres a Escola de Enxe\u00f1ar\u00eda de Telecomunicaci\u00f3n acolleu, unha vez m\u00e1is, a fase galega das Olimp\u00edadas Nacionais de Teleco, ou Teleco Games<\/em><\/a>. M\u00e1is de 200 estudantes de 24 centros de ESO, bacharelato e formaci\u00f3n profesional de toda Galicia amosaron, nos corredores, e presentaron, no sal\u00f3n de actos do centro, os seus proxectos para esta cuarta edici\u00f3n do certame. Como novidade, nesta ocasi\u00f3n tiveron que incorporar a ciberseguridade. Ben no propio proxecto, ben no seu desenvolvemento, mediante a adquisici\u00f3n de boas pr\u00e1cticas de protecci\u00f3n de contrasinais, actualizaci\u00f3n de software<\/em> ou de hardware<\/em>, entre outras acci\u00f3ns. Como de costume, os proxectos presentados deben estar ali\u00f1ados cos Obxectivos de Desenvolvemento Sostible (ODS).<\/p>\n

A\u00ednda que na fase nacional hai unicamente unha categor\u00eda para todos os cursos da ESO (ademais das de bacharelato e de ciclos formativos de grao medio e superior), a directora da EET, Rebeca P. D\u00edaz Redondo, sinala que decidiron dividila en d\u00faas: 1\u00ba e 2\u00ba de ESO e 3\u00ba e 4\u00ba. A intenci\u00f3n \u00e9 facer m\u00e1is xusta a competici\u00f3n e incentivar a\u00ednda m\u00e1is o interese do alumnado m\u00e1is novo polas tecnolox\u00edas da informaci\u00f3n e das comunicaci\u00f3ns.<\/p>\n

Premios para os primeiros, segundos e terceiros grupos clasificados<\/strong><\/p>\n

Nesta ocasi\u00f3n, os premios foron para o CPR Montecastelo (Vigo) na categor\u00eda de 1\u00ba e 2\u00ba de ESO; Colexio Sagrada Familia (Ald\u00e1n) na de 3\u00ba e 4\u00ba de ESO; IES Isaac D\u00edaz Pardo (Sada) na de bacharelato; e o Colexio Hogar Afundaci\u00f3n (Vigo) en formaci\u00f3n profesional. Estes vencedores enfrontaranse o vindeiro mes aos mellores equipos nacionais que resultaron vitoriosos nesta primeira fase na vintena de escolas de enxe\u00f1ar\u00eda de telecomunicaci\u00f3n de todo o estado que participan nas olimp\u00edadas.<\/p>\n

Cada un dos equipos ga\u00f1adores recibiu un premio de 400 euros m\u00e1is outros 400 para o seu centro educativo. Os segundos clasificados obtiveron 300 euros e, os terceiros, 200.<\/p>\n

A directora da escola quixo tam\u00e9n agradecer ao profesorado dos distintos niveis preuniversitarios e FP o seu interese na competici\u00f3n. \u201cSen a s\u00faa participaci\u00f3n, ser\u00eda imposible ter este n\u00famero de estudantes e proxectos\u201d, afirmou.<\/p>\n

\n

Parab\u00e9ns aos ga\u00f1adores desta fase clasificatoria celebrada en #TelecoVigo<\/a> e moita sorte aos que pasades \u00e1 final nacional!<\/p>\n

E grazas tam\u00e9n \u00e1s empresas de #conexionTeleco<\/a> que patrocinaron estas Olimpiadas: @IndraCompany<\/a>, @grupo_oesia<\/a>, @TelevesOfficial<\/a> e @BorgWarner<\/a>.#beTelecoVigo<\/a> pic.twitter.com\/U6GZ8hzEli<\/a><\/p>\n

\u2014 E.E. Teleco Vigo (@EETelecoVigo) April 27, 2026<\/a><\/p><\/blockquote>\n