Feira de referencia para a interacción de empresas do sector da enerxía que conta cun variado programa de xornadas, obradoiros e seminarios que abordarán temas de máximo interés no momento actual, como a transición enerxética, a mobilidade sostible, o aforro e a eficiencia, a bioconstrución, a economía circular ou a seguridade industrial.
O obxectivo da sesión é a sensibilización en materia de ciberseguridade nas empresas, fundamentalmente dado o baixo grao de coñecemento que teñen en materia de seguridade dixital e a trascendencia que dende a organización se dá á transversalidade da ciberseguridade en tódalas ordes da vida/empresa.
Ciclo de conferencias e debate impulsado por FARO e a UVigo para ofrecer respostas aos desafíos e preocupacións da comunidade e servir de guía dende o coñecemento. Inicia o ciclo a Escola de Enxeñaría de Telecomunicación da UVigo, que abordará o tema da “Ciberseguridade”.
Foro que nace coa idea de crear un punto de encontro que dinamice a relación entre universidades e empresas, buscando fomentar o potencial innovador e emprendedor destas alianzas para a evolución socioeconómica da rexión noroeste.
O mes de febreiro estará dedicado na Universidade de Vigo a dar visibilidade ao traballo das investigadoras e científicas e a fomentar as vocacións entre as nenas e rapazas, estendendo a celebración do 11 de febreiro como Día da muller e da nena na ciencia. A actividade central no campus de Vigo será o programa […]
Principal encontro de I+D+i do Sur de Europa para compartir coñecemento científico e tecnolóxico, promover a innovación e conectar ciencia e empresa.
Ciclo de conferencias e debate impulsado por FARO e a UVigo para ofrecer respostas aos desafíos e preocupacións da comunidade e servir de guía dende o coñecemento. Nesta ocasión será o turno de CINTECX (Centro de Investigación en Tecnoloxías, Enerxía e Procesos Industriais), que abordará o tema da “Enerxía, sostibilidade e hidróxeno verde”.
Dous días de conferencias e mesas redondas sobre ciberseguridade, criptografía, sistemas seguros, identidade e privacidade, investigación no marco europeo, transferencia da tecnoloxía ás empresas e aplicación á industria.
Competición de ciberseguridade destinada a estudantes coa fin de practicar e desenvolver as súas habilidades neste ámbito. As persoas interesadas en participar poden apuntarse en equipos de máximo 5 persoas e enfrontaranse a diferentes retos nas categorías de esteganografía, forense, pentesting, entre outras. Poden elixir entre tres modalidades de participación: Presencial no CITIC da UDC. […]
Os centros de investigación do Campus Vigo Tecnolóxico participan no proxecto Facendo Plus, que foi subvencionado pola convocatoria Fábrica intelixente e sustentable 2023, cofinanciada pola Unión Europea (IN854A)
