A partir das 18:00 horas no Auditorio e Pazo de congresos Mar de Vigo, 325 alumnas e alumnos dos sete graos e do mestrado que se imparten na Escola de Enxeñería Industrial protagonizan un acto de graduación que estará presidido por Alfonso Rueda, presidente da Xunta, e polo reitor da UVigo, Manuel Reigosa.
Este xoves graduaranse tamén as primeiras promocións do Grao en Enxeñería Biomédica (51 estudantes), titulación deseñada coa colaboración do Complexo Hospitalario Universitario de Vigo, e tamén do Grao en Tecnoloxías Industriais (38 estudantes), que forma parte do programa de excelencia Ultreia 2020 da Xunta de Galicia.
O acto complétase coas graduacións da novena promoción do alumnado que cursou os seis graos que se imparten na escola (198 estudantes), ademais do da sétima promoción do Máster en Enxeñaría Industrial (38 estudantes).
Os centros de investigación do Campus Vigo Tecnolóxico participan no proxecto Facendo Plus, que foi subvencionado pola convocatoria Fábrica intelixente e sustentable 2023, cofinanciada pola Unión Europea (IN854A)
