A Asociación Española de Robótica e Automatización (AER Automation) organiza en Vigo a próxima edición do seu summit anual, que será a sexta. Como cada ano, no evento poñeranse en valor as iniciativas nas que a asociación está a enfocar os seus esforzos para impulsar a automatización dos procesos industriais en España. Esta edición pretende achegar a industria 4.0 á academia, e reafirmar o seu compromiso coa comunidade e o ecosistema industrial, tecnolóxico e educativo galego. Será o 7 de novembro de 2024 no salón de actos da Escola de Enxeñaría Industrial da Universidade de Vigo. Trátase dun evento reservado a asociadosAER e partnersAER.
A sesión comezará cunha mesa redonda co título “Talento feminino na industria galega”, moderada por Sara Calvo Arroyo e con participación de Patricia Moreira Cortés, Chelo Domínguez, Josefina Alonso Nocelo e Ana Paul. Abrindo a sesión de tarde, catro asociacións estudantís vinculadas á EEI terán a oportunidade de presentar os seus proxectos máis recentes diante dos representantes da industria: CES Uvigo, UVigo SpaceLab, UVigo Motorsport e UVigo Aerotech. Celebrarase un debate cara a cara baixo o título “Tecnoloxía e Humanismo: o desafío da nova era” entre Jordi Vallverdú e Javier G. Recuenco, moderado polo xornalista Aureli Vázquez. Durante a sesión intervirán representantes dos grupos de traballo e comisións de AER Automation. As persoas asociadas recibirán un formulario de reserva.
Os centros de investigación do Campus Vigo Tecnolóxico participan no proxecto Facendo Plus, que foi subvencionado pola convocatoria Fábrica intelixente e sustentable 2023, cofinanciada pola Unión Europea (IN854A)
