A alianza de universidades europeas ATHENA (Advanced Technology Higher Education Network Alliance), da que forma parte a Universidade de Vigo, celebra o ATHENA Career Event 2022, unha feira de emprego online dirixida especificamente a estudantes, empresas e institucións dos eidos da enxeñaría e as TIC. O evento busca achegar as oportunidades laborais que ofrecen os mercados dos 9 países socios de ATHENA, polo que a alianza invita ao alumnado de todas as súas institucións a participar, entre o que se atopan os e as estudantes das escolas de enxeñaría da UVigo, os que poderán coñecer ás empresas en diferentes salas virtuais.