O concurso de robots é un concurso que vimos impulsando dende a EEI co obxecto de despertar o interese polas disciplinas STEM. Pretende ser unha xornada de convivencia na que poder compartir experiencias con outras persoas que teñen en común unha mesma paixón.

A proba terá lugar o venres 19 de abril de 2024 a partir das 10:30 horas nas instalacións da Escola de Enxeñería Industrial.

Unha oportunidade para aprender na que os equipos concursantes poderán familiarizarse co mundo da robótica participando na montaxe e programación dun robot móbil partindo do kit básico establecido pola organización.

Se desexas recibir máis información podes escribirnos ao correo eei.robots@uvigo.es e resolveremos todas as túas dúbidas.