O ciclo de coloquios divulgativos Faladoiros no Berbés “Os mundos científicos de Vigo” é unha proposta que chega da man da Unidade de Cultura Científica e da Innovación da Universidade de Vigo en colaboración co Ateneo Atlántico. Busca achegar á cidadanía o traballo que recoñecidas investigadoras e investigadores vigueses están a levar a cabo por todo o mundo da man de persoal investigador da UVigo que traballa no mesmo campo de estudo.

A segunda sesión será o luns 10 de xuño de 2024 desde as 19:30 co título “Enxeñaría da privacidade”.

Intervén: Carmela González Troncoso, enxeñeira de telecomunicación e investigadora da Escola Politécnica Federal (EPFL) de Lausanne.
Presenta: Fernando Pérez González, catedrático de telecomunicación e investigador en atlanTTic. Coordinador do grupo de investigación Procesado de Sinal en Comunicacións.

Entrada libre totalmente de balde.