Tras o parón do ano pasado, por mor da situación sanitaria, a Escola de Enxeñaría Industrial da UVigo recupera os encontros MEI Day (Día do Mestrado en Enxeñería Industrial), que acadan este 2022 a súa cuarta edición. Creados co obxectivo “de visualizar o papel da enxeñaría industrial no desenvolvemento da sociedade e mesmo na recuperación económica tras a recesión ocasionada pola situación de crise sanitaria”, explica Juan Pardo Froján, director da EEI, a IV edición dos MEI Day volverá reunir egresados e alumnado matriculado no Mestrado en Enxeñaría Industrial e no Mestrado en Enxeñería Biomédica.