En xullo, nova sesión dos Seminarios Científicos no CINTECX.

O próximo mércores 10 de xullo ás 12:00h terán lugar os relatorios de Raúl Barciela Sánchez e Félix Quintero Martínez sobre as diferentes análises realizadas en nanofibras de vidro.

Os Seminarios Científicos do CINTECX nacen para mellorar a competencia comunicativa do persoal investigador en diferentes foros de nivel internacional. Durante as sesións presenciais de exposición de traballos científicos en inglés por parte de persoal investigador do centro, o persoal do Centro de Linguas proporcionará ferramentas que abordarán aspectos prácticos para realizar presentacións en congresos, conferencias, reunións internacionais, lecturas de teses doutorais, entre outros eventos. Estes seminarios están enmarcados no Programa Mentoring de CINTECX e atópanse aliñados coa visión do centro de fomentar a colaboración entre o persoal investigador, permitindo que se poidan dar a coñecer as distintas liñas de investigación que levan a cabo, dando a oportunidade a futuras colaboracións e sinerxías.