O Centro de Investigación en Tecnoloxías de Telecomunicación (atlanTTic) organiza a terceira xornada do ciclo “Conectando en igualdade: a transformación do futuro tecnolóxico” o próximo 14 de maio de 2024. O obxectivo fundamental é concienciar a sociedade tratando de amosar a necesidade de que a tecnoloxía mude cara aspectos máis inclusivos, feministas e de diversidade, xa que o futuro só se pode construír en igualdade se a tecnoloxía tamén se crea e se usa dese xeito. Esta actividade conta co apoio da Unidade de Igualdade da UVigo.
O evento celebrarase no Salón de Graos da Escola de Enxeñaría de Telecomunicación da Universidade de Vigo e tamén será retransmitido en directo a través de UVigo-TV.
12.00 Apertura institucional
12.15 Mesa redonda
13.30 Debate
14.00 Peche da sesión