O venres 23 de setembro ás 10:00h terá lugar a xornada de presentación do proxecto: “Misión Azul: a investigación mariña e o cambio climático”. Ó evento poderase asistir de forma presencial na Sala Miralles 1 da Universidade de Vigo, e de forma virtual a través do Campus Remoto da Uvigo.

O obxectivo principal deste proxecto é o de apoiar á ensinanza e á educación ambiental mediante a achega de recursos educativos atractivos e innovadores tanto para o ámbito escolar como para o de lecer e o familiar. Os resultados principais do proxecto son o videoxogo interactivo “Pleamar” e dúas unidades didácticas.

O proxecto, liderado polo Centro de Investigación Mariña (CIM-UVigo), conta coa participación do Centro de Investigación en Tecnoloxías de Telecomunicación (AtlanTTic) e a Facultade de Ciencias Sociais e da Comunicación da Universidade de Vigo.