Organizada polo Ilustre Colegio Oficial de Ingenieros Industriales de Galicia (ICOIIG) con motivo do seu 75º Aniversario.
Este evento reunirá a profesionais, persoal directivo e persoal académico de primeiro nivel para reflexionar sobre os retos e oportunidades que afronta a enxeñería nos vindeiros anos.
Durante toda unha xornada desenvolveranse mesas redondas e relatorios que abordarán temas clave como: O futuro do ensino da enxeñería, a xestión do talento e os recursos humanos no sector, a enxeñería industrial na empresa, as novas tendencias en innovación, dixitalización e Industria 5.0.
O programa contará coa participación de destacados relatores de empresas e entidades de referencia como SEAT, Ence, FCC, CTAG, Ibercisa, KELEA, Hydnum Stell&Russula, así como representantes do ámbito universitario e do ICOIIG.
A xornada será tamén unha excelente oportunidade para o networking e o intercambio de experiencias entre os diferentes axentes do sector.
O programa previsto é o seguinte:
EEI – SEDE CAMPUS (Salón de Actos)
Convidámoste a formar parte desta xornada única, na que poderás escoitar a referentes da enxeñería, debater sobre os grandes retos da profesión e compartir experiencias con compañeiros e compañeiras e profesionais do sector.
A túa participación é clave para construír xuntos o futuro da enxeñería!
Podes consultar máis información e rexistarte en O futuro da enxeñería.
Os centros de investigación do Campus Vigo Tecnolóxico participan no proxecto Facendo Plus, que foi subvencionado pola convocatoria Fábrica intelixente e sustentable 2023, cofinanciada pola Unión Europea (IN854A)
