O próximo 6 de novembro, o Centro de Investigación en Tecnoloxías, Enerxía e Procesos Industriais do Campus Vigo Tecnolóxico, CINTECX, celebrará as súas xornadas anuais de ciencia aberta co obxectivo de achegar a ciencia e a innovación á sociedade.

Por primeira vez, a cita celebrarase n’O Tinglado do Porto de Vigo, cunha programación que combinará actividades prácticas, demostracións tecnolóxicas e experiencias participativas.

Unha trintena de investigadoras e investigadores mostrarán o seu traballo en áreas punteiras como as enerxías renovables, o aproveitamento de recursos naturais, a fabricación avanzada, as tecnoloxías de propulsión limpas e a intelixencia artificial.

Venres 06 de novembro
10:00h
Centros de secundaria e bacharelato

Venres 06 de novembro
17:00h
Público Xeral

Localización: O Tinglado do Porto de Vigo